Eignir lífeyrissjóða námu 6.646,5 ma.kr. í lok mars og hækkuðu um 166,7 ma.kr. milli mánaða. Þar af voru eignir samtryggingadeilda 5.942,1 ma.kr. og séreignadeilda 704,4 ma.kr.

Innlendar eignir lífeyrissjóða námu 4.422,3 ma.kr. og hækkuðu um 113,8 ma.kr. milli mánaða. Innlend markaðsskuldabréf námu 2.371,4 ma.kr. og hækkuðu um 41,9 ma.kr. og innlend hlutabréf og hlutdeildarskírteini námu 1.149,8 ma.kr. og hækkuðu um 48,5 ma.kr. Útlán námu 508,8 ma.kr. og hækkuðu um 8,9 ma.kr.

Erlendar eignir lífeyrissjóða námu 2.224,1 ma.kr. í lok mars og hækkuðu um 53,0 ma.kr. milli mánaða. Erlend hlutabréf og hlutdeildarskírteini námu 2.139,3 ma.kr. og hækkuðu um 42,7 ma.kr. og innlán í erlendum innlánsstofnunum lækkuðu um 4,6 ma.kr. og námu 10,8 ma.kr.

Hrein eign lífeyrissjóða nam 6.634,3 ma.kr. í lok mars.

Næsta birting: 08. júní 2022