logo-for-printing

Greiðslujöfnuður við útlönd

01. desember

3. ársfjórðungur 2022

Á þriðja ársfjórðungi 2022 var 23,1 ma.kr. afgangur á viðskiptajöfnuði við útlönd. Það er 65,3 ma.kr. betri niðurstaða en ársfjórðunginn á undan en 5,9 ma.kr. lakari en á sama fjórðungi árið 2021. Halli á vöruskiptajöfnuði var 70,7 ma.kr. en 110,1 ma.kr. afgangur á þjónustujöfnuði. Halli á frumþáttatekjum nam 6,5 ma.kr. og 9,9 ma.kr. á rekstrarframlögum.

Lakari niðurstaða viðskiptajafnaðar miðað við sama ársfjórðung árið 2021 skýrist af meiri halla af vöruviðskiptum sem nemur 25 ma.kr. og frumþáttatekjum 25,3 ma.kr. Á móti vegur aukinn afgangur af þjónustuviðskiptum sem nemur 46,4 ma.kr. Halli á rekstrarframlögum var 2 ma.kr. meiri.


Næsta birting: 02. mars 2023


Umsjón

Gagnaþjónusta | adstod@sedlabanki.is