Eignir innlánsstofnana námu 5.221,5 ma.kr. í lok janúar og hækkuðu um 120,6 ma.kr í mánuðinum. Innlendar eignir innlánsstofnana námu 4.727,5 ma.kr. og hækkuðu um 111,2 ma.kr. Erlendar eignir námu 494,0 ma.kr. og hækkuðu um 9,4 ma.kr. Innlendar skuldir voru 3.471,0 ma.kr. og hækkuðu um 89,7 ma.kr. í janúar. Erlendar skuldir námu 975,2 ma.kr. og hækkuðu um 24,8 ma.kr. Eigið fé innlánsstofnana nam 775,3 ma.kr. í lok janúar og hækkaði um 6,2 ma.kr. í mánuðinum.

Ný útlán að frádregnum uppgreiðslum námu 41,6 ma.kr. í lok janúar, þar af voru verðtryggð lán 11,5 ma.kr., óverðtryggð lán 17,6 ma.kr., lán í erlendum gjaldmiðlum 10,7 ma.kr. og eignarleiga 1,9 ma.kr.

Ný útlán til heimila að frádregnum uppgreiðslum námu 10,1 ma.kr. í janúar, þar af námu lán með veði í íbúð 6,8 ma.kr. sem var 0,4 ma.kr. lægra en í desember mánuði.

Næsta birting: 24. mars 2023