Heildareignir vátryggingafélaga í lok mars sl. námu 324,7 ma.kr. og lækkuðu um tæplega 2,2 ma.kr. milli mánaða. Af heildareignum námu eignir skaðatryggingafélaga 304,2 ma.kr. og eignir líftryggingafélaga 20,5 ma.kr.

Innlendar eignir vátryggingafélaga námu 277,3 ma.kr. og lækkuðu um 2,2 ma.kr. í mánuðinum. Erlendar eignir námu 47,3 ma.kr. og lækkuðu um 80 m.kr.

Innlendar skuldir félaganna námu 151,5 ma.kr. og hækkuðu um 1,3 ma.kr. en þar af námu vátrygginga- og lífeyrisskuldir 135,4 ma.kr. Erlendar skuldir vátryggingafélaga námu 600 m.kr. í lok mars.

Í lok mars nam eigið fé tryggingafélaga 172,5 ma.kr.

Næsta birting: 19. júní 2023