logo-for-printing

17. nóvember 2013

Opinn fundur efnahags- og viðskiptanefndar Alþingis um störf peningastefnunefndar Seðlabanka Íslands

Peningastefnunefnd 2012

Í fyrramálið klukkan 9:30 eru störf peningastefnunefndar Seðlabanka Íslands á dagskrá efnahags- og viðskiptanefndar Alþingis. Vefútsending verður frá fundinum. Már Guðmundsson seðlabankastjóri og formaður peningastefnunefndar, Þórarinn G. Pétursson aðalhagfræðingur Seðlabankans og peningastefnunefndarmaður og Gylfi Zoëga prófessor í hagfræði og peningastefnunefndarmaður mæta á fundinn.

Lög um Seðlabanka Íslands leggja bankanum á herðar þá skyldu að gera opinberlega grein fyrir stefnu sinni í peningamálum og fyrir þróun peningamála, gengis- og gjaldeyrismála og aðgerðum sínum á þeim sviðum. Þetta er liður í því að sýna gagnsæi og að Seðlabankinn standi reikningsskil gerða sinna. Peningastefnunefnd Seðlabanka Íslands skal tvisvar á ári gefa Alþingi skýrslu um störf sín og ræða skal efni skýrslunnar í þeirri þingnefnd sem þingforseti ákveður.

Í þessum tilgangi verður haldinn opinn fundur í efnahags- og viðskiptanefnd Alþingis á morgun. Efni fundarins varðar störf peningastefnunefndar, sbr. 3. mgr. 24. gr. laga um Seðlabanka Íslands.

Inngangsorð seðlabankastjóra frá fundinum er að finna hér.

Útsendinguna má finna hér

Upplýsingar um störf peningastefnunefndar er að finna hér.

Til baka