logo-for-printing

27. febrúar 2015

Menntskælingar í heimsókn í Seðlabankanum

Nemendur úr Menntaskólanum í Reykjavík

Skólafólk, starfsmannahópar og ýmsir aðrir hópar koma reglulega í Seðlabanka Íslands til að kynna sér starfsemi bankans. Í dag komu tveir bekkir úr Menntaskólanum í Reykjavík í heimsókn í Seðlabankann og eru meðfylgjandi myndir af öðrum hópnum.

Fyrri hópurinn kom strax klukkan 8 í morgun og náðist því miður ekki mynd af honum. Síðari hópurinn kom síðdegis og var meðfylgjandi mynd þá tekin. Hópurinn fékk almenna fræðslu um meginhlutverk bankans og helstu starfsemi sem Stefán Jóhann Stefánsson ritstjóri sá um. Þá kynntu tveir starfsmenn í gjaldeyriseftirliti bankans, Andri Egilsson og Steinunn Guðmundsdóttir, starfsemi gjaldeyriseftirlits og svo fékk hópurinn leiðsögn um húsnæði bankans og stutta kynningu um starfsemi fáeinna deilda.

Á fyrstu myndinni eru sitjandi frá hægri Steinunn Guðmundsdóttir, sérfræðingur í gjaldeyriseftirliti, Andri Egilsson, sérfræðingur í gjaldeyriseftirliti og svo einn af nemendum úr MR. 

Til baka

Myndir með frétt

Nemendur úr Menntaskólanum í Reykjavík
Nemendur úr Menntaskólanum í Reykjavík