Einungis félög með tilskilin starfsleyfi hafa heimild til að stunda vátryggingastarfsemi hér á landi, sbr. lög nr. 100/2016, um vátryggingastarfsemi. Seðlabanki Íslands veitir fyrirtækjum starfsleyfi.
Kveðið er á um kröfur til stofnunar vátryggingafélaga í V. kafla laganna og í VI. kafla laganna er fjallað um starfsleyfi vátryggingafélaga. Þá er í II. kafla laganna fjallað um mörk við aðra starfsemi.
Seðlabankinn vekur athygli á því að skv. 1. tölul. 1. mgr. 165. gr. laga um vátryggingastarfsemi getur hann lagt stjórnvaldssektir á hvern þann sem brýtur gegn ákvæðum 1. mgr. 2. gr. laganna um að starfsleyfisskyld starfsemi skuli ekki stunduð án starfsleyfis. Slíkt getur einnig varðað sektum eða fangelsi, sbr. 1. tölul. 1. mgr. 169. gr. sömu laga.
Umsókn og afgreiðsla starfsleyfis vátryggingafélaga
Synjun starfsleyfis
Kostnaður vegna starfsleyfis vátryggingafélaga
Hæfismat stjórnarmanna og framkvæmdastjóra vátryggingafélaga
Samhliða afgreiðslu umsóknar um starfsleyfi vátryggingafélags metur Seðlabankinn hæfi stjórnarmanna og framkvæmdastjóra á grundvelli 41. gr. laga um vátryggingastarfsemi, sbr. reglur nr. 285/2018. Stjórnarmenn vátryggingafélaga koma sumir hverjir í viðtal í tengslum við mat á hæfi og framkvæmdastjórar vátryggingafélaga eru ávallt teknir í viðtal.
Forstjóri, stjórnarmenn og þeir sem bera ábyrgð á lykilstarfssviðum þurfa á hverjum tíma að uppfylla hæfisskilyrði 41. gr. laganna, sbr. 40. og 42. gr. og reglna settra samkvæmt 5. mgr. 41. gr. laganna, og getur Seðlabankinn á hverjum tíma tekið hæfi þeirra til sérstakrar skoðunar.