Fjármálaeftirlit
Eitt af hlutverkum Seðlabanka Íslands er að stuðla að traustri og öruggri fjármálastarfsemi og fylgjast með að starfsemi eftirlitsskyldra aðila sé í samræmi við lög og stjórnvaldsfyrirmæli og sé að öðru leyti í samræmi við heilbrigða og eðlilega viðskiptahætti.
Fjármálaeftirlitsnefnd
Ákvarðanir sem faldar eru fjármálaeftirliti Seðlabanka Íslands samkvæmt lögum og stjórnvaldsfyrirmælum skulu teknar af fjármálaeftirlitsnefnd. Nefndin getur framselt til varaseðlabankastjóra fjármálaeftirlits vald sitt til töku ákvarðana sem ekki teljast meiri háttar.
Eftirlit
Meginákvæði um eftirlit Seðlabanka Íslands er að finna í III. kafla laga nr. 87/1998 um opinbert eftirlit með fjármálastarfsemi. Auk þess er kveðið á um eftirlit og heimildir fjármálaeftirlitsins í ýmsum lögum, reglugerðum og reglum. Fjármálaeftirlitið birtir einnig lista yfir eftirlitsskylda aðila.
Þjónustuvefur
Þjónustuvefur Seðlabanka Íslands hefur það hlutverk að auka öryggi og skilvirkni við móttöku gagna. Þjónustuvefnum er ætlað að sinna tvíþættu hlutverki. Annars vegar að taka á móti reglubundnum gagnaskilum frá eftirlitsskyldum aðilum í gegnum gagnaskilakerfi og hins vegar að taka á móti öðrum gagnasendingum, svo sem eyðublöðum, umsóknum og tilkynningum í gegnum þjónustugátt.
Nánar