Meðfylgjandi eru upplýsingar úr efnahagsreikningi Seðlabanka Íslands í lok júlí 2001 og til samanburðar í lok desember 2000 ásamt breytingum í júlí 2001 og frá ársbyrjun 2001.
Gjaldeyrisforði Seðlabankans minnkaði um 1,6 milljarða króna í júlí og nam 34,2 milljörðum króna í lok mánaðarins (jafnvirði 342 milljóna Bandaríkjadala á gengi í mánaðarlok). Gengi íslensku krónunnar, mælt með vísitölu gengisskráningar, hækkaði um 2,5% í mánuðinum.
Erlend skammtímalán bankans lækkuðu um 0,7 milljarða króna í mánuðinum og námu 28,3 milljörðum króna í júlílok.
Markaðsskráð verðbréf í eigu bankans námu 5 milljörðum króna í júlílok miðað við markaðsverð. Markaðsskráð verðbréf ríkissjóðs í eigu bankans námu 2,1 milljarði króna.
Kröfur Seðlabankans á innlánsstofnanir lækkuðu um 1,8 milljarða króna í júlí og námu 40,5 milljörðum króna í lok mánaðarins. Kröfur á aðrar fjármálastofnanir lækkuðu einnig lítillega í mánuðinum og voru 23,7 milljarðar króna í lok mánaðarins.
Nettókröfur bankans á ríkissjóð og ríkisstofnanir hækkuðu um 4,8 milljarða króna í júlí og voru neikvæðar um 8,7 milljarða króna í lok mánaðarins, þ.e. nettóinnstæður ríkissjóðs námu 8,7 milljörðum króna.
Grunnfé bankans hækkaði lítillega í júlímánuði og nam það 30,1 milljarði króna í lok hans.
Nánari upplýsingar veita bankastjórar Seðlabanka Íslands og Erla Árnadóttir aðalbókari í síma 569-9600.
| Helstu liðir í efnahagsreikningi Seðlabanka Íslands í milljónum króna | ||||
|---|---|---|---|---|
| Staða í lok tímabils | Hreyfingar 2001 | |||
| Desember 2000 | Júlí 2001 | Frá áramótum | Í júlí | |
| Eignaliðir | ||||
| Gjaldeyrisforði | 34.285 | 34.212 | -73 | -1.623 |
| Markaðsskráð verðbréf | 6.546 | 5.049 | -1.497 | 33 |
| Ríkissjóðs | 3.682 | 2.095 | -1.587 | 17 |
| Annarra | 2.865 | 2.954 | 89 | 17 |
| Kröfur á innlánsstofnanir | 38.978 | 40.520 | 1.543 | -1.834 |
| Kröfur á aðrar fjármálastofnanir | 13.074 | 23.733 | 10.659 | -135 |
| Skuldaliðir | ||||
| Erlendar skuldir til skamms tíma | 15.763 | 28.282 | 12.519 | -741 |
| Seðlar og mynt | 8.672 | 9.052 | 380 | 118 |
| Almennar innstæður innlánsstofnana | 2.495 | 2.412 | -82 | 513 |
| Staða á bindireikningum annarra fjármálastofnana | 21.249 | 18.591 | -2.658 | -564 |
| Almennar innstæður annarra fjármálastofnana | 745 | 434 | -311 | -692 |
| Staða á bindireikningum annarra fjármálastofnana | 759 | 4.267 | 3.508 | 2.291 |
| Liðir til skýringar | ||||
| Gjaldeyrisstaða Seðlabankans, nettó | 18.522 | 5.930 | -12.592 | -882 |
| Kröfur á ríkissjóð og ríkisstofnanir, nettó | -12.119 | -8.726 | 3.393 | 4.815 |
| Kröfur á aðra, brúttó | 52.207 | 64.341 | 12.134 | -1.983 |
| Grunnfé | 32.416 | 30.056 | -2.360 | 68 |
Skýringar:
Gjaldeyrisforði sýnir brúttóeign Seðlabankans í erlendum gjaldeyri. Markaðsskráð verðbréf ríkissjóðs sýna eign bankans í spariskírteinum ríkissjóðs, ríkisbréfum og ríkisvíxlum. Markaðsskráð verðbréf annarra eru húsbréf og húsnæðisbréf. Kröfur á innlánsstofnanir eru brúttókröfur bankans á innlánsstofnanir. Kröfur á aðrar fjármálastofnanir eru brúttókröfur bankans á þessar stofnanir. Erlendar skuldir til skamms tíma sýna skammtímalán sem Seðlabankinn tekur við og við, m.a. í því skyni að styrkja gjaldeyrisforðann. Seðlar og mynt sýna heildarfjárhæð seðla og myntar í umferð utan Seðlabanka. Almennar innstæður innlánsstofnana og annarra fjármálastofnana eru innstæður þeirra á viðskiptareikningum í Seðlabankanum og bundnar innstæður innlánsstofnana og annarra fjármálastofnana eru innstæður sem þeim er skylt að eiga í Seðlabankanum í samræmi við bindiskyldu sem bankinn ákveður. Neðanmáls eru sýndir fjórir liðir til skýringar, í fyrsta lagi nettógjaldeyrisstaða Seðlabankans sem sýnir erlendar eignir til skamms tíma að frádregnum erlendum skuldum til skamms tíma, í öðru lagi nettókröfur Seðlabankans á ríkissjóð og ríkisstofnanir, þ.e. skuldir þessara aðila við Seðlabankann að frádregnum innstæðum þeirra í bankanum, í þriðja lagi innlendar brúttókröfur á aðra en ríkið, og í fjórða lagi grunnfé bankans en til þess teljast seðlar og mynt í umferð og innstæður innlánsstofnana í Seðlabankanum.