Seðlabanki Íslands hefur m.a. eftirlit með starfsemi kauphalla, skipulagðra verðbréfamarkaða, markaðstorga fjármálagerninga, verðbréfamiðstöðva, sjóðum og rekstrarfélögum sjóða og upplýsingaskyldu útgefenda í samræmi við 2. gr. laga um opinbert eftirlit með fjármálastarfsemi nr. 87/1998.
Seðlabankinn hefur einnig eftirlit með viðskiptum á markaði með það markmið að tryggja eðlilega verðmyndun og að markaðsaðilar starfi eftir lögum og reglum.
Gildissvið MiFID II er víðtækara en í MiFID I regluverkinu og nær til að mynda til samsettra innstæðna. MiFIR reglugerðin felur í sér víðtækar kröfur um gagnsæi fyrir og eftir viðskipti. Seðlabanki Íslands tekur á móti fyrirspurnum vegna MiFID II og MiFIR.
Lýsing er samheiti yfir skjal eða skjöl sem gefa þarf út vegna almenns útboðs verðbréfa eða töku verðbréfa til viðskipta á skipulegum verðbréfamarkaði.
Þann 1. október 2018 tóku gildi lög nr. 15/2018, með þeim öðlast reglugerð Evrópusambandsins (ESB) nr. 648/2012 frá 4. júlí 2012 um OTC-afleiður, miðlæga mótaðila og afleiðuviðskiptaskrár (almennt EMIR), lagalegt gildi á Íslandi.
Í skortsölureglugerðinni eru gerðar kröfur um að skortstöður séu tilkynntar til lögbærra yfirvalda (Seðlabankinn er lögbært yfirvald í tilviki Íslands) að uppfylltum ákveðnum skilyrðum.
Þann 1. september 2021 tóku gildi lög nr. 60/2021, með þeim öðlaðist reglugerð Evrópusambandsins (ESB) nr. 596/2014 frá 16. apríl 2014 um markaðssvik (MAR), lagalegt gildi á Íslandi. Markaðssvik er hugtak sem nær yfir ólögmæta hegðun á fjármálamörkuðum og í skilningi MAR nær það yfir innherjasvik, ólögmæta miðlun innherjaupplýsinga og markaðsmisnotkun.
Útgefandi verðbréfa, í skilningi 2. mgr. 2. gr. laga nr. 87/1998 um opinbert eftirlit með fjármálastarfsemi, skal birta almenningi á Evrópska efnahagssvæðinu eins fljótt og auðið er og á jafnræðisgrundvelli þær upplýsingar sem fjallað er um í lögum nr. 20/2021 um upplýsingaskyldu útgefenda verðbréfa og flöggunarskyldu.