Hinn 25. maí 2016 kallaði Seðlabanki Íslands eftir tilboðum um sölu á eignum skráðum í íslenskum krónum gegn greiðslu reiðufjár í erlendum gjaldeyri. Nánar tiltekið er um að ræða aflandskrónaeignir sem uppfylla skilgreiningu laga nr. 37/2016, svonefndar aflandskrónur. Aflandskrónaeigendur gerðu í dag, á milli klukkan 10 og 14, tilboð um sölu á innlendum eignum sínum og kaup á erlendum gjaldeyri. Á næstu dögum verður farið yfir tilboðin.

Eins og áður hefur verið tilkynnt mun Seðlabankinn birta niðurstöður útboðsins á heimasíðu Seðlabankans eigi síðar en klukkan 9:00 miðvikudaginn 22. júní 2016.

Nr. 16/2016

16. júní 2016