Heildareignir lánasjóða ríkisins námu 924,7 ma.kr. í lok apríl og lækkuðu um 4,4 ma.kr. á milli mánaða. Af heildareignum námu innlendar eignir 924,5 ma.kr. og erlendar eignir 151 m.kr.
Skuldir námu 1.088 ma.kr. og lækkuðu um 2,1 ma.kr. í mánuðinum. Þar af námu innlendar skuldir 1.087,7 ma.kr. og erlendar skuldir 245 m.kr.
Eigið fé lánasjóða ríkisins lækkaði um 2,3 ma.kr. í mánuðinum og var neikvætt um 163,3 ma.kr. í lok apríl.
Gögnin hafa verið endurskoðuð frá desember 2023 og má rekja meginhluta breytinga sem þá koma fram til breyttrar matsaðferðar útlána og innleiðingar á IPSAS reikningsskilastaðlinum.
Sjá nánari sundurliðun á efnahagsreikningi lánasjóða ríkisins í Gagnabankanum.
Fyrirspurnir skal senda á netfangið adstod@sedlabanki.is