Heildareignir lánasjóða ríkisins námu 499,7 ma.kr. í lok febrúar og lækkuðu um 4,8 ma.kr. á milli mánaða. Af heildareignum námu innlendar eignir 499,5 ma.kr. og erlendar eignir 224 m.kr.
Skuldir (án eigin fjár) námu 286,7 ma.kr. og hækkuðu um 2,0 ma.kr. í mánuðinum.
Eigið fé lánasjóða ríkisins lækkaði um 6,9 ma.kr. og nam 213,0 ma.kr. í lok febrúar.
ÍL-sjóði var slitið um áramótin 2025/26 og þær eignir og skuldir sem eftir voru í sjóðnum fluttar yfir til ríkissjóðs. Til að þau útlán sem voru í eignasafni ÍL-sjóðs detti ekki út úr mánaðarlegum hagtölum Seðlabankans er útlánasafninu haldið inni í hagtölum um lánasjóði ríkisins (ásamt skuldafærslu á móti). Aðrar eignir fyrrum ÍL-sjóðs detta út úr gögnunum.
Sjá nánari sundurliðun á efnahagsreikningi lánasjóða ríkisins í Gagnabankanum.
Fyrirspurnir skal senda á netfangið adstod@sedlabanki.is