Heildareignir lánasjóða ríkisins námu 496,4 ma.kr. í lok mars og lækkuðu um 3,3 ma.kr. á milli mánaða. Af heildareignum námu innlendar eignir 496,1 ma.kr. og erlendar eignir 224 m.kr.
Skuldir (án eigin fjár) námu 287,6 ma.kr. og hækkuðu um 870 m.kr. í mánuðinum.
Eigið fé lánasjóða ríkisins lækkaði um 4,2 ma.kr. og nam 208,8 ma.kr. í lok mars.
ÍL-sjóði var slitið um áramótin 2025/26 og þær eignir og skuldir sem eftir voru í sjóðnum fluttar yfir til ríkissjóðs. Til að þau útlán sem voru í eignasafni ÍL-sjóðs detti ekki út úr mánaðarlegum hagtölum Seðlabankans er útlánasafninu haldið inni í hagtölum um lánasjóði ríkisins (ásamt skuldafærslu á móti). Aðrar eignir fyrrum ÍL-sjóðs detta út úr gögnunum.
Sjá nánari sundurliðun á efnahagsreikningi lánasjóða ríkisins í Gagnabankanum.
Fyrirspurnir skal senda á netfangið adstod@sedlabanki.is