Seðlabanki Íslands hóf birtingu á föstum lánstímavöxtum (FLV) hinn 7. nóvember 2025. FLV sýna reiknaða vexti verðtryggðra og óverðtryggðra ríkisskuldabréfa miðað við fastan lánstíma slíkra bréfa til 3, 5 og 10 ára. Nú eru birt söguleg gögn um vextina, reiknuð aftur til byrjun árs 2020.

Seðlabankastjóri sat fund Þjóðhagsráðs annan þessa mánaðar þar sem m.a. var fjallað um stöðu í efnahagsmála, verðbólgu, launatölfræði og mat bankans á launaskriði.

Á fjórða ársfjórðungi 2025 var 38 ma.kr. halli á viðskiptajöfnuði við útlönd eða 3% af landsframleiðslu. Vöruskiptajöfnuður mældist neikvæður um 73,4 ma.kr. en 49,4 ma.kr. afgangur var á þjónustujöfnuði. Afgangur af frumþáttatekjum nam 1 ma.kr. en 15 ma.kr. halli var á rekstrarframlögum. Hrein erlend staða þjóðarbúsins batnaði um 2% af landsframleiðslu milli fjórðunga og mælist því jákvæð um 44,2% af landsframleiðslu.

Halli á viðskiptajöfnuði fyrir árið 2025 í heild nam 177,7 ma.kr. samanborið við 148,5 ma.kr. árið á undan. Halli á vöruskiptajöfnuði var 385,1 ma.kr. en afgangur á þjónustujöfnuði var 273,1 ma.kr. Halli af frumþáttatekjum nam 10,9 ma.kr. en 54,7 halli var á rekstrarframlögum.

Á alþjóðavettvangi hefur lengi verið viðurkennt að einstaklingar sem gegna eða hafa gegnt áhrifamiklum opinberum störfum geti í ákveðnum tilvikum aukið hættu fyrir viðkomandi á að tengjast spillingu eða misnotkun fjármuna.