Seðlabanki

Sérrit nr. 16: Innlend, óháð smágreiðslulausn

Seðlabanki Íslands hefur birt umræðuskýrslu um innlenda, óháða smágreiðslulausn á vef bankans. Í ritinu er að finna umfjöllun um framkvæmd smágreiðslumiðlunar hér á landi, kostnað við smágreiðslumiðlun og stöðu og þróun á smágreiðslumarkaði.

Einnig er í ritinu sett fram mat og niðurstaða Seðlabanka Íslands um hvernig megi styrkja viðnámsþrótt greiðslumiðlunar með innlendri, óháðri smágreiðslulausn.

Ritinu er ætlað að styrkja umræðugrundvöll við hagaðila í stefnumótun um innlenda, óháða smágreiðslumiðlun og kalla eftir sjónarmiðum um efni þess og fyrirætlanir.

Fyrirspurnum skal beina á netfangið sedlabanki@sedlabanki.is.

Ritið er aðgengilegt hér: Sérrit nr. 16: Umræðuskýrsla. Innlend, óháð smágreiðslulausn.