Ingimundur Friðriksson skipaður bankastjóri í Seðlabanka Íslands
Forsætisráðuneytið gaf í dag út svohljóðandi frétt:
„Forsætisráðherra hefur í dag fallist á beiðni Jóns Sigurðssonar, iðnaðar- og viðskiptaráðherra, um lausn frá embætti bankastjóra Seðlabanka Íslands. Jafnframt hefur forsætisráðherra skipað Ingimund Friðriksson, aðstoðarbankastjóra, í embætti bankastjóra í Seðlabanka Íslands til sjö ára frá 1. september n.k.
Ingimundur Friðriksson er fæddur 17. febrúar 1950. Hann hefur lokið MA prófi í þjóðhagfræði og starfað í Seðlabankanum fyrst 1973 og síðan frá 1975, auk þess að gegna störfum á vegum Norðurlandanna og Eystrasaltsríkjanna í framkvæmdastjórn Alþjóðagjaldeyrissjóðsins. Ingimundur hefur verið aðstoðarbankastjóri Seðlabanka Íslands frá 1994, auk þess að vera settur bankastjóri fyrst 2002-2003 og nú síðast til loka ágústmánaðar n.k.”
24/2006
29. júní 2006