Tilkynning um dráttarvexti og vexti af peningakröfum nr. 9/2006
Seðlabanki Íslands birtir mánaðarlega tilkynningu um dráttarvexti og vexti af peningakröfum. Í ljósi ákvörðunar um hækkun stýrivaxta 14. september sl. hækka almennir vextir sem Seðlabanki Íslands auglýsir með hliðsjón af lægstu vöxtum skv. 4. gr. vaxtalaga. Frá og með 1. október 2006 hækka vextir óverðtryggðra lána um 0,5% og verða 15,5%. Í kjölfarið hækka vextir af skaðabótakröfum úr 10,0% í 10,3%. Vextir verðtryggðra lána haldast á hinn bóginn óbreyttir og verða áfram 4,85%.
Samkvæmt 6. gr. í kafla nr. III um dráttarvexti í lögum nr. 38/2001 um vexti og verðtryggingu skulu dráttarvextir breytast 1. janúar og 1. júlí ár hvert. Dráttarvextir haldast því óbreyttir 23,5% til og með 31. desember 2006 sbr. vaxtatilkynningu nr. 6/2006 dags 14. júní 2006.