Seðlabanki

Starfskynning í Seðlabanka Íslands

Í dag höfum við fengið í heimsókn nemanda í Hörðuvallaskóla í Kópavogi sem vildi kynna sér starfsemi Seðlabanka Íslands. Honum var m.a. kynnt baráttan við að halda verðbólgu í skefjum og að halda fjármálakerfinu stöðugu. Þá fékk hann að kynnast því hversu mikið íslenska ríkið skuldar og hversu miklar ábyrgðir það hefur tekið á sig.

Nemandinn heitir Sigþór Óli Árnason, er 14 ára og er í 10. bekk í Hörðuvallaskóla í Kópavogi. Svo vill til að langafi Sigþórs var áður starfsmaður í Seðlabanka Íslands, Sigurður Jóhannesson, og stýrði þá gjaldeyriseftirlitinu á síðari hluta síðustu aldar. Með Sigþóri á myndinni er Björgvin Sighvatsson forstöðumaður lánamála ríkisins í Seðlabanka Íslands.