12. apríl 2019
Málstofa: Fjármálasveiflur á Norðurlöndunum
Frummælendur: Önundur Páll Ragnarsson sérfræðingur á fjármálastöðugleikasviði Seðlabanka Íslands og Loftur Hreinsson sérfræðingur í þjóðhagsvarúðardeild FME.
Ágrip: Á málstofunni voru kynntar niðurstöður nýrrar rannsóknarritgerðar eftir þá Loft, Önund og Jón Magnús Hannesson, sérfræðing á fjármálastöðugleikasviði SÍ. Í ritgerðinni eru skoðaðar aðferðir við rauntímamat á fjármálasveiflum í þeim tilgangi að segja tímanlega fyrir um yfirvofandi fjármálaóstöðugleika. Rannsóknin var framkvæmd með gögnum frá Norðurlöndunum sem ná allt að 7 áratugi aftur í tímann. Tímabilið sem úrtakið nær til inniheldur níu kerfislegar fjármálakreppur og álagstímabil.
Rannsóknin leiðir meðal annars í ljós að gagnlegt geti verið að taka fjölbreyttar upplýsingar inn í samsettan mælikvarða á fjármálasveiflur. Samsettir mælikvarðar geti staðið sig betur en þeir sem byggja aðeins á einni breytu. Auk greiningar á niðurstöðum verður rætt um helstu lærdóma sem draga má af rannsókninni. Til dæmis benda niðurstöðurnar til þess að sveiflur húsnæðisverðs hafi allt að helmingi styttri sveiflulengd en sveiflur í skuldum heimila og fyrirtækja.