Fundur með seðlabankastjóra á Selfossi í hádeginu í dag
Kynningarfundur verður með Má Guðmundssyni seðlabankastjóra á Hótel Selfossi í dag, mánudaginn 19. ágúst. Fundurinn hefst klukkan 12:00 og verður boðið upp á súpu á meðan á honum stendur. Fundarstjóri á fundinum verður Guðni Ágústsson, fyrrverandi þingmaður og ráðherra. Yfirskrift fundarins er Markmið, árangur og áskoranir, en á fundunum fer seðlabankastjóri yfir markmið í starfi Seðlabankans, rekur stuttlega þróun peninga- og efnahagsmála og ræðir um stórar áskoranir sem við stöndum frammi fyrir. Fundargestum gefst síðan kostur á að spyrja um efnið og ræða málin.
