Tilkynning um dráttarvexti og vexti af peningakröfum nr. 02/2020
Seðlabanki Íslands birtir mánaðarlega tilkynningu um dráttarvexti og vexti af peningakröfum.
Grunnur dráttarvaxta hefur breyst frá síðustu vaxtatilkynningu Seðlabankans Íslands nr. 01/2019 dagsett 21. janúar sl. en grunnur dráttarvaxta, þ.e. lán gegn veði í 7 daga, hefur lækkað þar sem að peningastefnunefnd Seðlabanka Íslands lækkaði meginvexti um 0,25% við meginvaxtaákvörðun sína hinn 5. febrúar sl.
Dráttarvextir lækka því að sama skapi um 0,25% og verða 10,50% fyrir tímabilið 1. - 31. mars 2020.
Aðrir vextir sem Seðlabanki Íslands tilkynnir breytast einnig frá síðustu vaxtatilkynningu og verða því sem hér segir fyrir tímabilið 1. – 31. mars 2020:
• Vextir óverðtryggðra útlána verða 4,95% (voru 5,05%)
• Vextir verðtryggðra útlána verða óbreyttir 2,90%
• Vextir af skaðabótakröfum verða 3,30% (voru 3,37%)
Sjá nánar hér: Tilkynning um dráttarvexti o.fl. nr. 02 2020