Seðlabanki

Yfirfærsla hluta vátryggingastofns

Hér með tilkynnist um yfirfærslu hluta vátryggingastofns frá samtökum vátryggjenda undir nafninu Lloyd's til Lloyd's Insurance Company S.A. Fyrirhuguð yfirfærsla er í samræmi við tilkynningu dagsetta 9. júní 2020 frá breska fjármálaeftirlitinu, Prudential Regulation Authority.

Vátryggingartakar og vátryggðir geta skilað skriflegum athugasemdum til Fjármálaeftirlits Seðlabanka Íslands (Fjármálaeftirlitsins) vegna fyrirhugaðrar yfirfærslu innan eins mánaðar frá birtingu þessarar tilkynningar.

Ekki liggja fyrir staðfestar upplýsingar um hvort hjá félaginu séu fyrirliggjandi vátryggingarsamningar vegna aðila hér á landi.

Fjármálaeftirlitið veitir nánari upplýsingar ef óskað er.