![logo-for-printing](/themes/Bootstrap/img/logo.png)
15. júlí 2021
Elmar Ásbjörnsson ráðinn framkvæmdastjóri bankasviðs Seðlabanka Íslands
![Elmar Ásbjörnsson, nýráðinn framkvæmdastjóri bankasviðs Seðlabanka Íslands. Elmar Ásbjörnsson, nýráðinn framkvæmdastjóri bankasviðs Seðlabanka Íslands.](/library/Ljosmyndir_ISL/Starfsfolk_ISL/Elmar%20%c3%81sbj%c3%b6rnsson.jpg?proc=AdalmyndFrett)
Elmar hóf störf hjá Fjármálaeftirlitinu árið 2011 sem sérfræðingur í fjárhagslegu eftirliti og starfaði frá árinu 2014 til ársloka 2020 sem forstöðumaður áhættugreininga fjármálafyrirtækja hjá Fjármálaeftirlitinu/Seðlabankanum. Frá ársbyrjun 2021 hefur Elmar verið starfandi framkvæmdastjóri bankasviðs Seðlabanka Íslands.
Árin 2007-2008 starfaði Elmar sem viðskiptastjóri hjá Saxo Bank A/S í Danmörku og frá 2008-2011 sem sérfræðingur á fyrirtækjasviði Landsbanka Íslands. Elmar er viðskiptafræðingur með MSc. gráðu í fjármálum fyrirtækja frá Háskóla Íslands. Hann hefur auk þess lokið löggildingu í verðbréfamiðlun.