Ráðstefna Seðlabanka Íslands um varnir gegn peningaþvætti og fjármögnun hryðjuverka
Seðlabanki Íslands stendur fyrir ráðstefnu um varnir gegn peningaþvætti og fjármögnun hryðjuverka hinn 5. sept. nk. Ráðstefnan verður haldin í Gullteigi á Grand Hótel Reykjavík. Hún hefst með kaffi og skráningu kl. 12:30 og endar með móttöku fyrir alla gesti kl. 16:45. Einnig verður í boði að sækja ráðstefnuna rafrænt.
Á ráðstefnunni verður fjallað um ýmis málefni sem tengjast vörnum gegn peningaþvætti og fjármögnun hryðjuverka. Kynnt verða sjónarmið eftirlitsaðila og löggæslunnar hvað þessi mál varðar auk þess sem fjallað verður um fyrirhugaðar breytingar á regluverki Evrópusambandsins. Ásgeir Jónsson seðlabankastjóri setur ráðstefnuna. Fyrirlesarar eru erlendir og innlendir sérfræðingar á sviði varna gegn peningaþvætti og fjármögnun hryðjuverka. Þeir eru: Unnur Gunnarsdóttir, varaseðlabankastjóri fjármálaeftirlits, Endija Springe, AML/CFT sérfræðingur hjá evrópsku bankaeftirlitsstofnuninni, Olena Loboiko, hjá framkvæmdastjórn Evrópusambandsins, Petra Vriend, forstöðumaður hjá Seðlabanka Hollands og Grímur Grímsson hjá Lögreglunni á höfuðborgarsvæðinu.
Hægt er að skrá sig á ráðstefnuna og kynna sér dagskránna hér: Ráðstefna Seðlabanka Íslands um varnir gegn peningaþvætti og fjármögnun hryðjuverka