Seðlabanki

Virkir eignarhlutir í Akta sjóðum hf.

Hinn 28. mars 2023 komst fjármálaeftirlit Seðlabanka Íslands að þeirri niðurstöðu að MC2 Invest ehf. væri hæft til að fara með allt að 20% beinan, virkan eignarhlut í Akta sjóðum hf., og að Davíð Stefánsson væri hæfur til að fara með jafn stóran óbeinan, virkan eignarhlut í síðarnefnda félaginu, sbr. 16. gr. laga nr. 45/2020, um rekstraraðila sérhæfðra sjóða, 13. gr. laga nr. 116/2021, um verðbréfasjóði, og VI. kafla laga nr. 161/2002, um fjármálafyrirtæki.

Sama dag komst fjármálaeftirlitið að þeirri niðurstöðu að Mörk Capital ehf. væri einnig hæft til að fara með allt að 20% beinan, virkan eignarhlut í Akta sjóðum hf., og að Fannar Jónsson væri hæfur til að fara með jafn stóran óbeinan, virkan eignarhlut í síðarnefnda félaginu, sbr. ofannefnd lagaákvæði.

Einnig sama dag komst fjármálaeftirlitið að þeirri niðurstöðu að Bergholt eignir ehf. væri hæft til að fara með allt að 20% beinan, virkan eignarhlut í Akta sjóðum hf., og að Þórhallur Ásbjörnsson væri hæfur til að fara með jafn stóran óbeinan, virkan eignarhlut í síðarnefnda félaginu, sbr. ofannefnd lagaákvæði.