Í tengslum við innleiðingu kerfis um einn evrópskan aðgangsstað (ESAP) vill Seðlabanki Íslands vekja athygli á því að útgefendur tryggi að nauðsynlegar upplýsingar berist fréttaveitum sem þeir reiða sig á.

Seðlabanki Íslands hefur undirritað samning við Seðlabanka Evrópu um þátttöku Íslands í TIPS, rauntímagreiðslukerfi Evrukerfisins (TARGET Instant Payment Settlement). Samningurinn felur í sér að frá árinu 2028 verður unnt að gera upp rauntímagreiðslur í íslenskum krónum í TIPS.

Með þátttöku Íslands verður íslenska krónan fimmti gjaldmiðillinn sem unnt verður að nota til uppgjörs rauntímagreiðslna í TIPS. Auk evrunnar eru sænska og danska krónan þegar í kerfinu og stefnt er að því að norsk króna bætist við árið 2028.

Fjármálaeftirlit Seðlabanka Íslands hefur uppfært lista á vef Seðlabankans yfir ríki sem teljast áhættusöm og ósamvinnuþýð, sbr. 6. gr. laga nr. 140/2018 um aðgerðir gegn peningaþvætti og fjármögnun hryðjuverka.

Seðlabanki Íslands birtir mánaðarlega tilkynningu um dráttarvexti og vexti af peningakröfum.

Hinn 11. nóvember 2025 barst tilkynning frá Gildi lífeyrissjóði til fjármálaeftirlits Seðlabanka Íslands um að tiltekin fjárfesting í vísitölusjóði séreignardeildar sjóðsins hafi á ákveðnu tímabili farið í 11,5% og þar með farið yfir lögbundin 10% mörk í heildareignum sama útgefanda samkvæmt lögum um skyldutryggingu lífeyrisréttinda og starfsemi lífeyrisréttinda.

Fjármálaeftirlit Seðlabanka Íslands hefur undanfarin misseri lagt sjálfsmöt fyrir aðila sem ber að skila daglegum viðskiptaskýrslum (TRS II skýrslur) á grundvelli 26. gr. MiFIR1

Fjármálaeftirlit Seðlabanka Íslands hefur tekið saman skýrslu með heildarniðurstöðum ársreikninga fjármálafyrirtækja, þ.e. viðskiptabanka, sparisjóða, lánafyrirtækja og verðbréfafyrirtækja, ásamt rekstrarfélögum verðbréfasjóða og rekstraraðilum sérhæfðra sjóða, fyrir árið 2025, auk upplýsinga um heildareignir verðbréfasjóða og sérhæfðra sjóða fyrir almenna fjárfesta og heildareignir og hreina eign annarra sérhæfðra sjóða.

Fjármálaeftirliti Seðlabanka Íslands hafa borist ábendingar um vefsíðuna LanHeimur, sem gefur sig út fyrir að vera fjármálafyrirtæki undir eftirliti fjármálaeftirlitsins.  Fjármálaeftirlitið vill taka fram að sú starfsemi sem auglýst er á vefsíðunni er ekki undir eftirliti þess. Vegna tilvísunar á vefsíðunni til íslensks einkahlutafélags telur fjármálaeftirlitið jafnframt rétt að upplýsa að það félag virðist ekki hafa nein tengsl við starfsemi vefsíðunnar.

Tómas Brynjólfsson varaseðlabankastjóri fjármálastöðugleika flutti á þriðjudag erindi á fundi Samtaka fyrirtækja í fjármálaþjónustu um skattlagningu fjármálafyrirtækja. Þar fjallaði Tómas um hvernig eiginfjárkörfur viðskiptabanka og vaxtalaus bindiskylda Seðlabankans stuðla að stöðugleika við aðstæður mikillar óvissu í efnahagsmálum.  Niðurstaða Tómasar var m.a. að arðsemi íslenskra banka væri ágæt þrátt fyrir þær kröfur sem gerðar væru til þeirra.

Alþjóðagjaldeyrissjóðurinn birti í dag álit sendinefndar sinnar (e. Concluding Statement) eftir viðræður við íslensk stjórnvöld og aðra hagaðila síðustu tvær vikur. Viðræðurnar voru hluti af árlegri úttekt sjóðsins á stöðu og horfum í íslensku atvinnulífi (e. Article IV Consultation).