Varaseðlabankastjóri með fyrirlestur á málþingi Fjártækniklasans
Unnur Gunnarsdóttir, varaseðlabankastjóri fjármálaeftirlits, var meðal ræðumanna á málþingi Fjártækniklasans sem haldið var í Hörpu hinn 27. maí síðastliðinn undir yfirskriftinni Hvað erum við að gera gegn peningaþvætti? Unnur fjallaði í fyrirlestri sínum um áhættumiðað eftirlit með aðgerðum gegn peningaþvætti og fjármögnun hryðjuverka auk þess að fara yfir mismunandi áhættu sem steðjar að fjártæknifyrirtækjum á þessu sviði og kynna fjártækniþjónustuborð Seðlabankans.
Nánar
Varaseðlabankastjóri á fundi Samiðnar
Rannveig Sigurðardóttir, varaseðlabankastjóri peningastefnu, sótti miðstjórnarfund Samiðnar – Sambands iðnfélaga fimmtudaginn 4. júní. Á fundinum fór Rannveig yfir efnahagshorfur eins og þær birtust í nýrri verðbólgu- og þjóðhagsspá Seðlabankans í maíhefti Peningamála hinn 20. maí sl. Rannveig fjallaði um hvernig horfur hefðu versnað í kjölfar útbreiðslu COVID-19-farsóttarinnar og óvissunnar fram á við. Hún ræddi einnig aðgerðir bankans síðustu mánuði og áhrif þeirra.
Nánar