Velta á millibankamarkaði með krónur er birt mánaðarlega eftir fyrirfram ákveðinni birtingaráætlun kl. 09:00 á birtingardegi.
Gögnin miðast við stöðu í lok mánaðar og eru aðgengileg á mánaðarlegri tíðni frá 1998.
Nýjustu tölur eru bráðabirgðatölur.
Fyrirspurnir skal senda á netfangið adstod@sedlabanki.is
Ítarleg gögn fyrir krónumarkað má nálgast á tímaraðaformi í Gagnabankanum
Velta á millibankamarkaði með krónur
Gögnum um krónumarkað er safnað í því skyni að fylgjast með þróun krónumarkaðar. Seðlabankinn nýtir gögnin jafnframt í starfsemi sinni.
Lagagrundvöllur
Gagnasöfnunin fer fram á grundvelli reglna nr. 1196/2019 um viðskipti á millibankamarkaði með íslenskar krónur sem settar eru skv. heimild í 3. mgr. 18. gr. laga um Seðlabanka Íslands nr. 92/2019.
Krónumarkaður
Gögn eru fengin með daglegum tilkynningum um veltu frá aðilum á millibankamarkaði. Aðilar á millibankamarkaði með krónur geta verið fjármálafyrirtæki með starfsleyfi skv. lögum um fjármálafyrirtæki nr. 161/2002 og útibú fjármálafyrirtækja utan Evrópska efnahagssvæðisins sem fengið hafa heimild fjármálaeftirlitsins.
Aðilar á millibankamarkaði með krónur senda Seðlabankanum tilkynningar um samninga jafnóðum og þeir hafa átt sér stað. Gögnin byggjast því á raunverulegum viðskiptum milli aðila. Tilkynningar um veltu frá aðilum á millibankamarkaði með krónur eru skráðar í gagnagrunn og sundurliðaðar eftir tímalengd samninga. Sá aðili sem haft er samband við sendirtilkynningu til Seðlabankans um viðskiptin.
Endurskoðun gagna
Almennt eru gögn ekki endurskoðuð nema fram komi leiðrétting frá markaðsaðilum.
Millibankamarkaður
Millibankamarkaður skiptist annars vegar í millibankamarkað með krónur og hins vegar í millibankamarkað með gjaldeyri.
Millibankamarkaður með krónur (krónumarkaður)
Markaður með skammtímalán milli aðila á markaðnum. Aðilar markaðarins skulu tilgreina vaxtatilboð inn- og útlána á markaðnum eigi sjaldnar en á 10 mínútna fresti. Útlánsvextir markaðarins nefnast REIBOR (Reykjavik Interbank Offered Rates) og innlánsvextirnir REIBID (Reykjavík Interbank Bid Rate). Samningstími lána á millibankamarkaði með krónur getur verið yfir nótt (ON), vika (SW), einn mánuður (1M), þrír mánuðir (3M) og sex mánuðir (6M).
Aðilar á millibankamarkaði með krónur senda Seðlabankanum tilkynningar um samninga jafnóðum og þeir hafa átt sér stað. Gögnin byggjast því á raunverulegum viðskiptum milli aðila.
Millibankamarkaður með gjaldeyri (gjaldeyrismarkaður)
Gengi íslensku krónunnar er ákvarðað á gjaldeyrismarkaði. Rétt til þátttöku á markaðnum hafa svokallaðir viðskiptavakar og Seðlabanki Íslands. Viðskiptavakar geta orðið aðilar sem hafa ótakmarkað starfsleyfi til gjaldeyrisviðskipta. Millibankamarkaður með gjaldeyri er opinn frá kl. 9:15 til 16.00 hvern viðskiptadag.
| Titill | Tíðni | Nýjast | Tímabil | Næst | Flokkur | Gagnabanki |
|---|---|---|---|---|---|---|
| Gjaldeyrisforði | Mánaðarleg | 11. febrúar | Janúar 2026 | 10. mars | Greiðslujöfnuður við útlönd | |
| Efnahagur Seðlabanka Íslands | Mánaðarleg | 6. febrúar | Janúar 2026 | 6. mars | Efnahagsreikningar fjármálafyrirtækja | |
| Raungengi | Mánaðarleg | 6. febrúar | Janúar 2026 | 6. mars | Markaðir | |
| Gjaldeyrismarkaður | Mánaðarleg | 4. febrúar | Janúar 2026 | 4. mars | Markaðir | |
| Krónumarkaður | Mánaðarleg | 4. febrúar | Janúar 2026 | 4. mars | Markaðir | |
| Lífeyrissjóðir | Mánaðarleg | 4. febrúar | Desember 2025 | 6. mars | Efnahagsreikningar fjármálafyrirtækja | |
| Staða markaðsverðbréfa | Mánaðarleg | 30. janúar | Desember 2025 | 27. febrúar | Markaðir | |
| Verðbréfafjárfesting | Mánaðarleg | 29. janúar | Desember 2025 | 27. febrúar | Greiðslujöfnuður við útlönd | |
| Önnur fjármálafyrirtæki | Mánaðarleg | 27. janúar | Desember 2025 | 27. febrúar | Efnahagsreikningar fjármálafyrirtækja | |
| Verðbréfa-, fjárfestingar- og fagfjárfestasjóðir | Mánaðarleg | 27. janúar | Desember 2025 | 27. febrúar | Efnahagsreikningar fjármálafyrirtækja | |
| Lánasjóðir ríkisins | Mánaðarleg | 27. janúar | Desember 2025 | 27. febrúar | Efnahagsreikningar fjármálafyrirtækja | |
| Innlánsstofnanir | Mánaðarleg | 23. janúar | Desember 2025 | 25. febrúar | Efnahagsreikningar fjármálafyrirtækja | |
| Greiðslumiðlun | Mánaðarleg | 16. janúar | Desember 2025 | 17. febrúar | Markaðir | |
| Tryggingafélög | Mánaðarleg | 16. janúar | Nóvember 2025 | 17. febrúar | Efnahagsreikningar fjármálafyrirtækja | |
| Útboð verðbréfa | Mánaðarleg | 16. janúar | Desember 2025 | 17. febrúar | Markaðir | |
| Fjármálareikningar fjármálafyrirtækja | Ársfjórðungsleg | 8. desember | 3. ársfjórðungur 2025 | 6. mars | Efnahagsreikningar fjármálafyrirtækja | |
| Erlend staða þjóðarbúsins | Ársfjórðungsleg | 4. desember | 3. ársfj. 2025 | 5. mars | Greiðslujöfnuður við útlönd | |
| Greiðslujöfnuður við útlönd | Ársfjórðungsleg | 4. desember | 3. ársfj. 2025 | 5. mars | Greiðslujöfnuður við útlönd | |
| Erlendar skuldir | Ársfjórðungsleg | 4. desember | 3. ársfj. 2025 | 5. mars | Greiðslujöfnuður við útlönd | |
| Bein fjárfesting | Árleg | 19. september | 2024 | 20. mars | Greiðslujöfnuður við útlönd |