Útboð verðbréfa

Ítarleg gögn fyrir útboð verðbréfa  má nálgast á tímaraðaformi í Gagnabankanum

Gögnum um útboð verðbréfa (skuldabréfa og víxla) er safnað í því skyni að fylgjast með þróun á útboðum verðbréfa (frumsölu, þ.e. nýjum útgáfum af skuldabréfum) hér á landi, flokkuð á útgefendur, formum og líftíma ásamt ávöxtunarkröfu við sölu þeirra. Seðlabankinn nýtir gögnin jafnframt í starfsemi sinni.

Gagnasöfnunin fer fram á grundvelli 32. gr. laga um Seðlabanka Íslands, nr. 92/2019. Í samræmi við 41. gr. laganna hefur Seðlabankinn heimild að eiga upplýsingaskipti við opinbera aðila um atriði sem lög þessi taka til þegar upplýsingaskiptin eru í samræmi við lögmælt hlutverk Seðlabankans eða móttakanda.

Gögn eru unnin eftir upplýsingum útgefenda eða milligönguaðila í útboði. Skráð verðbréf eru birt í Kauphöll (NASDAQ OMX Iceland). Útboðin eru flokkuð í opin og lokuð útboð við sölu og samtala þeirra reiknuð í hverjum mánuði.

Upplýsingar um útboð verðbréfa eru fengnar frá Lánamálum ríkisins, Íbúðalánasjóði (nú hættur starfsemi), bönkum, verðbréfafyrirtækjum og öðrum milligönguaðilum um útboð skuldabréfa.

Nýjustu tölur eru ávallt bráðabirgðatölur og geta tekið breytingum berist ný gögn frá skilaaðilum.

Leiðbeiningar fyrir skilaaðila er að finna í gagnaskilakerfi Seðlabanka Íslands.