Önnur fjármálafyrirtæki

Ítarleg gögn fyrir lánasjóði ríkisins má nálgast á tímaraðaformi í Gagnabankanum

Fjárhæðir eru í milljónum króna (m.kr.)

Gögnum um önnur fjármálafyrirtæki er safnað í því skyni að fylgjast með þróun og stærð annarra fjármálafyrirtækja og birta saman­tekt á upplýs­ingum frá þeim. Gögnin eru einnig hluti af uppgjöri á innlendum lána­mark­aði. Seðla­bankinn nýtir gögnin jafn­framt í starf­semi sinni.

Gagnasöfnunin fer fram á grundvelli 32. gr. laga um Seðlabanka Íslands nr. 92/2019. Í samræmi við 41. gr. laganna hefur Seðlabankinn heimild að eiga upplýsingaskipti við opinbera aðila um atriði sem lög þessi taka til þegar upplýsingaskiptin eru í samræmi við lögmælt hlutverk Seðlabankans eða móttakanda.

Önnur fjármálafyrirtæki hafa milligöngu á fjármálamarkaði að meginstarfsemi. Þau stofna til skulda, án þess þó að taka við innlánum eða gefa út hludeildarskírteini, í þeim tilgangi að eignast fjárreignir. Þau gefa t.d. út skuldabréf, víxla, veita lán og fjárfesta í verðbréfum fyrir eigin reikning

Undir þennan geira falla:

• Lánafyrirtæki
• Fjárfestingabankar
• Greiðslukortafyrirtæki
• Fjármögnunarleigur
• Verðbréfafyrirtæki

Undir þennan geira falla ekki:

• Höfuðstöðvar fyrirtækjasamstæða sem stunda aðallega milligöngu á fjármálamarkaði.

Nýjustu tölur eru ávallt bráðabirgðatölur og geta tekið breytingum berist ný gögn frá skilaaðilum.

Árslokatölur skv. mánaðarskýrslu desembermánaðar eru endurskoðaðar þegar ársreikningar berast.

Leiðbeiningar fyrir skilaaðila er að finna í gagnaskilakerfi Seðlabanka Íslands.