Sp­urt og svarað - rekst­r­araðil­ar sé­r­hæfðra sjóða

Efnisorð: AIFMD, ESMA

Sé dagslokagengi ekki fyrir hendi á útreikningsdegi innlausnarvirðis hlutdeildarskírteina telur Fjármálaeftirlitið, í samræmi við meginreglu 1. málsl. 2. mgr. 26. gr., að rekstraraðili skuli meta hvort markaðsaðstæður hafi breyst í þá veru að síðasta skráða dagslokagengi endurspegli ekki raunverulegt virði fjármálagernings. Við slíkar aðstæður skal virði fjármálagernings fara skv. 3. mgr. 26. gr. og vera háð mati rekstraraðila, undir eftirliti vörsluaðila og endurskoðanda, að teknu tilliti til markaðsaðstæðna hverju sinni. Rekstraraðili skal jafnframt halda skrá yfir mat slíkra eigna á hverjum tíma þar sem fram koma forsendur fyrir mati á eignunum.

Dagsetning: 5.apríl 2024

Efnisorð: AIFMD, ESMA

Já, að því gefnu að rekstraraðili grípi til allra eðlilegra ráðstafanna til þess að greina, koma í veg fyrir, stýra og vakta hagsmunaárekstra sem af slíku fyrirkomulagi leiðir sbr. 1. mgr. 22. gr.

Dagsetning: 5.apríl 2024

Efnisorð: AIFMD, ESMA

Já, að því gefnu að rekstraraðili grípi til allra eðlilegra ráðstafanna til þess að greina, koma í veg fyrir, stýra og vakta hagsmunaárekstra sem af slíku fyrirkomulagi leiðir sbr. 1. mgr. 22. gr.

Dagsetning: 5.apríl 2024

Efnisorð: AIFMD, ESMA

Fjármálaeftirlitið telur að viðmiðunarreglurnar nái fyrst og fremst yfir þá rekstraraðila sem fengið hafa starfsleyfi sem rekstraraðilar sérhæfðra sjóða skv. 6. gr. laga nr. 45/2020. Fjármálaeftirlitið bendir þó smærri rekstraraðilum, sem starfa á grundvelli skráningar skv. 7. gr. laganna, að líta til umræddra viðmiðunarreglna við útfærslu á bestu framkvæmd í starfsemi sinni. Hins vegar gilda leiðbeinandi tilmæli nr. 6/2014 um útvistun hjá eftirlitsskyldum aðilum og leiðbeinandi tilmæli nr. 1/2019 vegna áhættu við rekstur upplýsingakerfa eftirlitsskyldra aðila, eftir sem áður um starfsemi skráðra rekstraraðila.

Dagsetning: 5.apríl 2024

Efnisorð: AIFMD, ESMA

Samkvæmt 3. mgr. 22. gr. laganna skal rekstraraðili aðskilja verkefni og ábyrgð í starfsemi sinni sem telja má ósamrýmanleg eða sem geta mögulega valdið kerfisbundnum hagsmunaárekstrum. Rekstraraðila ber jafnframt að meta hvort skipulag starfseminnar geti valdið öðrum verulegum hagsmunaárekstrum og upplýsa fjárfesta sérhæfðra sjóða um þá.

Ákvæði 22. gr. laganna er nánar útfært í öðrum þætti III. kafla framseldrar reglugerðar (ESB) nr. 231/2013 sem innleidd er með reglugerð  nr. 555/2020 um gildistöku reglugerða Evrópusambandsins um rekstraraðila sérhæfðra sjóða. Þar er kveðið á um í 31. gr. reglugerðarinnar að rekstraraðilar skulu koma á, innleiða og beita skilvirkri stefnu um hagsmunaárekstra, þar sem meðal annars er greint hvaða aðstæður geta leitt til hagsmunaárekstra og hvaða aðferðum og ráðstöfunum skuli beitt til að koma í veg fyrir, hafa stjórn á og vakta slíka árekstra. Aðferðirnar og ráðstafanirnar skulu vera hannaðar til að tryggja viðeigandi óhæði, þ.e. óhæði í samræmi við eðli, umfang og áhættu starfseminnar, milli þeirra aðila sem stunda mismunandi starfsemi sem getur skapað hættu á hagsmunaárekstrum. Þá skulu þær, ef nauðsyn krefur og rétt þykir til tryggja nauðsynlegt óhæði, fela í sér árangursríkar aðferðir til að koma í veg fyrir og stýra og stýra upplýsingaskiptum milli viðeigandi aðila sem stunda sjóðastýringu eða aðra starfsemi sem hefur í för með sér hættu á hagsmunaárekstrum, að því marki sem slík upplýsingaskipti geta skaðað hagsmuni eins eða fleiri sérhæfðra sjóða eða fjárfesta þeirra sbr. 33. gr. reglugerðarinnar.

Rekstraraðilum er heimilt að sinna öðrum verkefnum, s.s. fjárfestingarráðgjöf og eignastýringu, samhliða sjóðastýringu, að undangenginni heimild fjármálaeftirlitsins, sbr. 3. mgr. 9. gr. laganna. Þegar slík verkefni eru stunduð samhliða sjóðastýringu er að mati fjármálaeftirlitsins um ósamrýmanleg verkefni að ræða í skilningi 3. mgr. 22. gr. laganna. Af þeim sökum er gert ráð fyrir aðskilnaði milli sjóðastýringar annars vegar og eignastýringar og fjárfestingarráðgjafar hins vegar. Slíkur aðskilnaður felur meðal annars í sér árangursríkar aðferðir til að koma í veg fyrir og stýra upplýsingaskiptum milli aðila sem sinna ósamrýmanlegum verkefnum. Með aðskilnaði starfssviða er átt við að þörf er á áþreifanlegum aðskilnaði í húsnæði (aðgangstakmörkun). Jafnframt er átt við að einingar, s.s. svið eða deildir, séu aðskilin í stjórnun, afkomu, upplýsingakerfum og með reglum um samskipti milli sviða. Aðskilnaði skal haga á þann veg að starfsmenn hvers sviðs um sig fái ekki án fyrirhafnar vitneskju um einstök verkefni starfsmanna annarra eininga. Ennfremur skal aðgangur að upplýsingakerfum vera aðgangsstýrður.

Þá getur komið til þess að innan sama starfssviðs sé starfsemi sem fellur undir fleiri en eina starfsheimild/svið án þess að til aðskilnaðar komi. Fjárfestingarráðgjöf getur því verið staðsett í skipuriti með eignastýringu, þó að sjóðastýring og eignastýring geti ekki verið innan sama starfssviðs. Í þeim tilvikum þegar fjárfestingarráðgjöf og eignastýring eru innan sama starfssviðs skal rekstraraðili grípa til viðeigandi ráðstafana vegna hættu á hagsmunaárekstrum, meti hann aðstæður svo að ekki sé þörf á aðskilnaði. Bent er á að telji rekstraraðili ekki hættu á hagsmunaárekstrum ber hann sönnunarbyrðina fyrir því.

Til að tryggja raunhæfan aðskilnað og draga úr upplýsingaskiptum, sem geta falið í sér hættu á hagsmunaárekstrum, er æskilegt að rekstraraðili sem er með heimild til sjóðastýringar og eignastýringar tryggi lágmarksfjölda starfsmanna. Sömu starfsmenn skulu ekki sinna sjóðastýringu og eignastýringu. Starfsmenn innan hvers sviðs þurfa að geta leyst hvern annan af, svo ekki þurfi að koma til þess að þeir fari á milli starfssviða sem fela í sér ósamrýmanleg verkefni.

Að lokum er bent á að þegar rekstraraðili sinnir verkefnum samkvæmt 3. mgr. 9. gr. laganna fer um framkvæmd þeirra samkvæmt lögum nr. 115/2021 um markaði fyrir fjármálagerninga. Við mat á skyldum rekstraraðila vegna slíkrar starfsemi kann því jafnframt að þurfa að líta til Spurt og svarað lög nr. 115/2021.

Dagsetning: 2. september 2026

Efnisorð: AIFMD, ESMA

Í öfugri tilboðsgjöf felst að fjárfestir hefur frumkvæði að kaupum í sérhæfðum sjóði án tilboðs eða hvatningar af hálfu rekstraraðila eða þriðja aðila sem kemur fram fyrir hönd rekstraraðila. Það er á ábyrgð rekstraraðila að skilyrði öfugrar tilboðsgjafar séu uppfyllt og ber hann fyrir því sönnunarbyrði.

Dagsetning: 5. apríl 2024

Efnisorð: AIFMD, ESMA

Fjármálaeftirlit Seðlabankans telur með hliðsjón af samræmdri framkvæmd í Evrópu sem endurspeglast í tilskipun (EU) 2019/1160 og reglugerð (ESB) 2019/1156 er varðar dreifingu sjóða um sameiginlega fjárfestingu yfir landamæri að aðilum sem hafa starfsleyfi innan EES sé heimilt að kanna áhuga fjárfesta á sérhæfðum sjóði áður en heimild til markaðssetningar liggur fyrir, að þeim skilyrðum sem þar er að finna uppfylltum. Rekstraraðila er hins vegar óheimilt að selja hlutdeildarskírteini eða hluti, eða taka við áskriftarloforðum í sérhæfðum sjóði áður en heimild til markaðssetningar liggur fyrir.

Dagsetning: 5. apríl 2024

Efnisorð: AIFMD, ESMA

Nei, þar sem ákvæði sem gilda um starfsemi og eftirlit með aðilum utan EES eru ekki samræmd telur Fjármálaeftirlitið að rekstraraðilum sem eru með staðfestu utan EES sé óheimilt að kanna áhuga fjárfesta fyrir sérhæfðum sjóði áður en heimild til markaðssetningar hér á landi skv. 63. – 65. gr. laga nr. 45/2020 liggur fyrir.

Dagsetning: 5. apríl 2024

Efnisorð: AIFMD, ESMA

Þegar gefið er út innlánsskilríki sbr. 114. gr. laga nr. 161/2002, um fjármálafyrirtæki, sem uppfyllir skilyrði viðskiptabréfa og líftími eða endurmatstímabil þess er ekki umfram 397 daga. Innlán, þ.m.t. svokallaðir innlánssamningar, teljast ekki til peningamarkaðsgerninga nema innlánsskírteini hafi verið gefið út.

Dagsetning: 5. apríl 2024

Efnisorð: AIFMD, ESMA

Þeir markaðir sem opnir eru almenningi, starfa reglulega og lúta eftirliti eftirlitsstjórnvalds sem telst vera fullgildur (e. ordinary) meðlimur í alþjóðasamtökum verðbréfaeftirlita (IOSCO) séu viðurkenndir með þeim hætti sem Fjármálaeftirlitið metur gildan.

Dagsetning: 5. apríl 2024

Efnisorð: AIFMD, ESMA

Ef ekki er unnt að reikna hlutfall fjárfestingar samkvæmt 2. – 4. tölul. 94. gr. á þeim tíma þegar fjárfesting á sér stað skal sérhæfður sjóður fyrir almenna fjárfesta reikna hlutfall um leið og fullnægjandi upplýsingar liggja fyrir. Ef fjárfesting er umfram leyfileg mörk 2. – 4. tölul. 94. gr. laganna þegar fullnægjandi upplýsingar liggja fyrir skal fara með fjárfestinguna í samræmi við 96. gr. Ef fyrirsjáanlegt er við töku ákvörðunar að ekki sé unnt að reikna hlutfall til framtíðar er fjárfesting óheimil.

Dagsetning: 24. apríl 2024

Efnisorð: AIFMD, ESMA

Miða skal hlutfall fjárfestingar við heildarfjölda útgefinna bréfa.

Dagsetning: 5. apríl 2024

Efnisorð: AIFMD, ESMA

Fjármálaeftirlitið telur að fjárfestingar í einkahlutafélögum séu sérhæfðum sjóðum fyrir almenna fjárfesta ekki heimilar þar sem fjárfesting í einkahlutafélögum fellur ekki undir neina af fjárfestingarheimildum sérhæfðra sjóða fyrir almenna fjárfesta skv. b. hluta X. kafla laganna.

Dagsetning: 5. apríl 2024

Efnisorð: AIFMD, ESMA

Tilkynningar skv. 96. gr. skulu berast í gegnum þjónustugátt Fjármálaeftirlitsins.

Dagsetning: 5. apríl 2024

Efnisorð: AIFMD, ESMA

Samkvæmt 96. gr. skal tilkynning berast án tafar. Í framkvæmd hefur Fjármálaeftirlitið miðað við að tilkynning berist innan sólarhrings frá því að upp komst að fjárfesting hafi farið fram úr leyfilegum mörkum samkvæmt lögunum.

Dagsetning: 5. apríl 2024

Efnisorð: AIFMD, ESMA

Samkvæmt 96. gr. skulu þegar gerðar ráðstafanir til úrbóta og skal lögmæltu hámarki í síðasta lagi náð innan þriggja mánaða. Að mati Fjármálaeftirlitsins felst í framangreindu að sjóðnum ber að selja eða grípa til annarra ráðstafana til að ná lögmæltu hámarki án ástæðulauss dráttar. Í því felst að sjóðnum sé þá þegar skylt að leita tilboða í eignina og selja fáist viðunandi markaðsverð fyrir séu aðrar ráðstafanir ekki tækar. Í tengslum við framangreint er áréttað að Fjármálaeftirlitið lítur svo á að sjóðnum sé óheimilt, þrátt fyrir væntingar um bættar markaðsaðstæður eða aukið innflæði, að fresta sölu seljanlegra eigna sjóða sem eru umfram fjárfestingarheimildir laganna.

Dagsetning: 5. apríl 2024

Efnisorð: AIFMD, ESMA

Já, að mati Fjármálaeftirlitsins eru fjárfestingarheimildir 1. tölul. óháðar fjárfestingarheimildum 4. tölul.

Dagsetning: 5. apríl 2024