Verðbréfa­markaður og sjóðir

Gildissvið MiFID II er víðtækara en í MiFID I regluverkinu og nær til að mynda til samsettra innstæðna. MiFIR reglugerðin felur í sér víðtækar kröfur um gagnsæi fyrir og eftir viðskipti. Seðlabanki Íslands tekur á móti fyrirspurnum vegna MiFID II og MiFIR.

Lýsing er samheiti yfir skjal eða skjöl sem gefa þarf út vegna almenns útboðs verðbréfa eða töku verðbréfa til viðskipta á skipulegum verðbréfamarkaði.

Hinn 11. október 2027 mun reglugerð Evrópuþingsins og ráðsins (ESB) 2025/2075 um breytingu á reglugerð (ESB) nr. 909/2014 (Central Securities Depositories Regulation, CSDR) að því er varðar styttingu uppgjörstíma í sambandinu (CSDR T+1) koma til framkvæmda í Evrópu. Stytting uppgjörstíman í T+1 er liður í því að styrkja samkeppnishæfni evrópskra fjármagnsmarkaða.

Í skortsölureglugerðinni eru gerðar kröfur um að skortstöður séu tilkynntar til lögbærra yfirvalda (Seðlabankinn er lögbært yfirvald í tilviki Íslands) að uppfylltum ákveðnum skilyrðum.

Þann 1. september 2021 tóku gildi lög nr. 60/2021, með þeim öðlaðist reglugerð Evrópusambandsins (ESB) nr. 596/2014 frá 16. apríl 2014 um markaðssvik (MAR), lagalegt gildi á Íslandi. Markaðssvik er hugtak sem nær yfir ólögmæta hegðun á fjármálamörkuðum og í skilningi MAR nær það yfir innherjasvik, ólögmæta miðlun innherjaupplýsinga og markaðsmisnotkun.

Útgefandi verðbréfa, í skilningi 2. mgr. 2. gr. laga nr. 87/1998 um opinbert eftirlit með fjármálastarfsemi, skal birta almenningi á Evrópska efnahagssvæðinu eins fljótt og auðið er og á jafnræðisgrundvelli þær upplýsingar sem fjallað er um í lögum nr. 20/2021 um upplýsingaskyldu útgefenda verðbréfa og flöggunarskyldu.

Skuldabréf getur eingöngu fengið merkingu sem „evrópskt grænt skuldabréf“ eða „EuGB“ ef útgefendur þess uppfylla ákveðnar kröfur. Reglugerð Evrópuþingsins og ráðsins (ESB) 2023/2631 frá 22. nóvember 2023 um evrópsk græn skuldabréf og valkvæða skýrslugjöf um skuldabréf sem eru markaðssett sem umhverfislega sjálfbær og sjálfbærnitengd skuldabréf tók gildi innan Evrópusambandsins 21. desember 2024.