logo-for-printing

Greiðslumiðlun

13. maí

Apríl 2022

Heildarvelta innlendra greiðslukorta nam 102,1 ma.kr. í apríl 2022 og skiptist þannig að velta debetkorta nam 45,0 b.kr og velta kreditkorta nam 57,1 ma.kr.

Velta innlendra greiðslukorta í verslunum innanlands nam 79,0 ma.kr. sem er 11,0 ma. kr. hækkun milli ára. Skiptist veltan þannig að velta debetkorta nam 37,4 b.kr og velta kreditkorta nam 41,6 ma.kr. Velta innlendra greiðslukorta í verslunum erlendis nam 20,3 ma. kr. sem er hækkun um 11,6 ma.kr frá fyrra ári.

Heildarvelta erlendra greiðslukorta á Íslandi í apríl 2022 nam 14,8 ma.kr. sem jafngildir 11,8 ma.kr. hærri veltu miðað við fyrra ár.

Tölur eru byggðar á upplýsingum frá íslenskum færsluhirðum og kortaútgefendum.
Vinsamlegast athugið að frá og með septembermánuði ársins 2020 er innlend debetvelta í bönkum og hraðbönkum undanskilin í veltutölum. Sama gildir um greiðslur kreditkorta m.v. innheimtutímabil.


Næsta birting: 15. júní 2022


Umsjón

Gagnaþjónusta | adstod@sedlabanki.is