Heildareignir vátryggingafélaga námu 333,4 ma.kr. í lok september. Af heildareignum námu eignir skaðatryggingafélaga 312,8 ma.kr. og eignir líftryggingafélaga 20,6 ma.kr.
Innlendar eignir vátryggingafélaga námu 266,6 ma.kr. og erlendar eignir námu 66,8 ma.kr.

Innlendar skuldir félaganna námu 161,1 ma.kr. en þar af námu vátrygginga- og lífeyrisskuldir 144,9 ma.kr. Erlendar skuldir vátryggingafélaga námu 185 m.kr.

Í lok september nam eigið fé tryggingafélaga 172,1 ma.kr. og lækkaði um 256 m.kr. á milli mánaða.

Vegna innleiðingar á IFRS 17 reikningsskilastaðli í uppgjöri tryggingafélaga er brot í tímaröðum um iðgjaldakröfur og iðgjaldaskuld í janúar 2023.

Næsta birting: 17. desember 2024