Eignir lífeyrissjóða námu 8.040,8 ma.kr. í október og hækkuðu um 95,2 ma.kr. á milli mánaða. Þar af voru eignir samtryggingadeilda 7.146 ma.kr. og séreignadeilda 894,7 ma.kr.

Innlendar eignir lífeyrissjóða námu 4.880,7 ma.kr. og hækkuðu um 78 ma.kr. á milli mánaða. Innlend markaðsskuldabréf námu 2.632,8 ma.kr. og hækkuðu um 17,2 ma.kr. og innlend hlutabréf og hlutdeildarskírteini námu 1.148,2 ma.kr. og hækkuðu um 57,8 ma.kr. Innlend útlán námu 674,5 ma.kr. og hækkuðu um 2,9 ma.kr.

Erlendar eignir lífeyrissjóða námu 3.160,1 ma.kr. í lok október og hækkuðu um 17,3 ma.kr. milli mánaða. Erlend hlutabréf og hlutdeildarskírteini námu 3.091,3 ma.kr. og hækkuðu um 18,9 ma.kr. og innlán í erlendum innlánsstofnunum lækkuðu um 0,1 ma.kr. og námu 5,5 ma.kr.

Hrein eign lífeyrissjóða nam 8.019,6 ma.kr. í lok október.

Næsta birting: 09. janúar 2025