Helstu liðir í efnahagsreikningi Seðlabanka Íslands
Meðfylgjandi eru upplýsingar úr efnahagsreikningi Seðlabanka Íslands í lok september 2003 og til samanburðar í lok desember 2002 ásamt breytingum í september 2003 og frá ársbyrjun 2003. <'xml:namespace prefix = o ns = "urn:schemas-microsoft-com:office:office" />
Gjaldeyrisforði Seðlabankans jókst í mánuðinum um 5,3 milljarða króna og nam 46,4 milljörðum króna í lok september (jafnvirði 611 milljóna Bandaríkjadala á gengi í mánaðarlok). Erlend skammtímalán bankans vegna gjaldeyrisforða eru engin, en um síðustu áramót námu þau rúmlega 16 milljörðum króna.
Seðlabankinn keypti gjaldeyri á innlendum millibankamarkaði fyrir 4,4 milljarða króna í september í samræmi við áætlun hans um aðgerðir til að styrkja gjaldeyrisstöðu sína sem m.a var greint frá í maíhefti Peningamála 2003. Gengi íslensku krónunnar styrktist um 0,4 % í septembermánuði.
Markaðsskráð verðbréf í eigu bankans námu 4,3 milljörðum króna í septemberlok miðað við markaðsverð. Þar af námu markaðsskráð verðbréf ríkissjóðs 1,2 milljörðum króna.
Kröfur Seðlabankans á innlánsstofnanir lækkuðu um 5,9 milljarða króna í september og námu 55,7 milljörðum króna í lok mánaðarins. Kröfur á aðrar fjármálastofnanir lækkuðu einnig um 4,1 milljarð og námu 3,1 milljarði króna í mánaðarlok.
Nettókröfur bankans á ríkissjóð og ríkisstofnanir lækkuðu um 5,3 milljarða króna í september og námu nettóinnstæður ríkissjóðs 28,2 milljörðum króna í lok mánaðarins.
Grunnfé bankans lækkaði í september um 9,4 milljarða króna og nam 31,6 milljörðum króna í mánaðarlok.
Nánari upplýsingar veita bankastjórar Seðlabanka Íslands og Erla Árnadóttir aðalbókari í síma 569-9600.
No. 26/2003