Forstöðumaður bakvinnslu á fjárhagssviði Seðlabanka Íslands
Seðlabanki Íslands auglýsir eftir vel menntuðum einstaklingi með þekkingu, frumkvæði og áhuga á bakvinnslu.
Fjárhagssviðið hefur umsjón með bókhaldi og gerð efnahags- og rekstrarreiknings Seðlabanka Íslands og dótturfélaga. Auk þess sinnir fjárhagssvið bakvinnslu bankans og öðrum tilfallandi verkefnum.
Æskilegt er að viðkomandi hafi þekkingu og reynslu á vettvangi fjárstýringar og greiðslumiðlunar. Nauðsynlegt er að viðkomandi hafi háskólamenntun er nýtist í starfi. Umsækjandi þarf að hafa gott vald á rituðu máli á íslensku og ensku.
Gerð er krafa um reynslu af stjórnunarstörfum og mikla nákvæmni, frumkvæði og öguð vinnubrögð auk góðra samskiptahæfileika og hæfni til að vinna í hóp.
Nánari upplýsingar veitir Kristín Hannesdóttir framkvæmdastjóri fjárhagssviðs í síma 569-9600. Umsóknum skal skilað fyrir 29. janúar 2011 til rekstrarsviðs Seðlabanka Íslands eða á tölvupóstfangið umsoknir@sedlabanki.is