![logo-for-printing](/themes/Bootstrap/img/logo.png)
Herdís Steingrímsdóttir skipuð í peningastefnunefnd Seðlabanka Íslands
![](/library/Ljosmyndir_ISL/Nefndir_ISL/Herd%c3%ads%20Steingr%c3%admsd%c3%b3ttir%20-%20Copy%20(1).jpg?proc=AdalmyndFrett)
Katrín Jakobsdóttir forsætisráðherra hefur skipað Herdísi Steingrímsdóttur, dósent í hagfræði við Copenhagen Business School, í peningastefnunefnd Seðlabanka Íslands til næstu fimm ára. Herdís tekur sæti Katrínar Ólafsdóttur sem setið hefur í peningastefnunefnd í 10 ár sem er hámarksskipunartími í nefndinni.
Herdís er með doktorspróf í hagfræði frá Columbia háskólanum í New York og meistarapróf í stærðfræðilegri hagfræði og hagrannsóknum frá London School of Economics. Rannsóknir Herdísar snúa að vinnumarkaðshagfræði og hefur hún hlotið ýmsar viðurkenningar fyrir störf sín á þeim vettvangi. Þá er Herdís meðlimur og umsjónarmaður ýmissa rannsóknarsetra í Kaupmannahöfn sem greina hagfræðileg úrlausnarefni er varða lífeyrismál, ójöfnuð, hagfræði heimilanna o.fl.
Nánar um peningastefnunefnd hér: Peningastefnunefnd