12. febrúar 2024
Skýrsla peningastefnunefndar til umræðu á fundi efnahags- og viðskiptanefndar í fyrramálið
Efnahags- og viðskiptanefnd Alþingis heldur opinn fund á morgun, þriðjudaginn 13. febrúar í Smiðju, Tjarnargötu 9 í Reykjavík, og hefst hann kl. 9:10.
Fundarefnið er skýrsla peningastefnunefndar Seðlabanka Íslands fyrir seinni hluta ársins 2023.
Gestir fundarins verða Ásgeir Jónsson seðlabankastjóri og Rannveig Sigurðardóttir, varaseðlabankastjóri peningastefnu.
Bein útsending verður frá fundinum á vef Alþingis og á sjónvarpsrás Alþingis.
Fundurinn verður haldinn samkvæmt X. kafla reglna um starfsreglur fastanefnda Alþingis.
Sjá nánar á vef Alþingis: https://www.althingi.is/
Sjá hér umrædda skýrslu: Skýrsla peningastefnunefndar til Alþingis, 2023_2