Seðlabankinn framkvæmir ársfjórðungslega útlánakönnun meðal viðskiptabankanna fjögurra. Spurt er um mat þeirra á þróun framboðs og eftirspurnar eftir lánsfé, um breytingar á útlánareglum, útlánavöxtum og vaxtaálagi og hvaða þættir hafi haft ráðandi áhrif á þær breytingar á síðustu þremur mánuðum. Einnig er spurt um væntingar viðskiptabankanna um horfur næstu sex mánuði. Könnunin var framkvæmd 1.-14. þessa mánaðar og byggjast niðurstöðurnar á meðaltali svara.

Í lögum um Seðlabanka Íslands segir að ákvarðanir um beitingu stjórntækja bankans í peningamálum séu teknar af peningastefnunefnd og að opinberlega skuli birta fundargerðir nefndarinnar og gera grein fyrir ákvörðunum hennar og forsendum þeirra. Á grundvelli þessa birtir peningastefnunefnd fundargerðir tveimur vikum eftir að ákvarðanir hennar eru kynntar.

Fjármálastöðugleikanefnd Seðlabanka Íslands tekur ákvarðanir um beitingu stjórntækja bankans er varða fjármálastöðugleika. Í fjármálastöðugleika felst að fjármálakerfið geti staðist áföll í efnahagslífi og á fjármálamörkuðum, miðlað lánsfé og greiðslum og dreift áhættu með viðhlítandi hætti.

Þórarinn G. Pétursson varaseðlabankastjóri peningastefnu flutti í gær erindi um áhrif launa á verðbólgu á málstofu í Seðlabankanum. Erindið byggði á grein sem verður birt á ensku í ritröðinni Working Papers á vef Seðlabankans á næstunni.

Fjármálaeftirlit Danmerkur, Finnlands, Íslands, Noregs og Svíþjóðar hafa gefið út sameiginlega yfirlýsingu um aukið norrænt samstarf á sviði fjármálaeftirlits.

Grunnur dráttarvaxta er óbreyttur frá síðustu vaxtatilkynningu Seðlabanka Íslands nr. 09/2026, dagsettri 21. september sl., þar sem að meginvextir bankans eru óbreyttir síðan þá.

Ársfundur Alþjóðagjaldeyrissjóðsins fór fram í Bangkok í Taílandi í liðinni viku.  Ásgeir Jónsson seðlabankastjóri og Tómas Brynjólfsson varaseðlabankastjóri fjármálastöðugleika tóku þátt í fundinum ásamt öðrum fulltrúum Seðlabanka Íslands. Fram kom á fundinum að heimshagkerfið hefði sýnt umtalsverðan viðnámsþrótt þrátt fyrir röð áfalla. Horfur einkennist þó áfram af mikilli óvissu og því sé mikilvægt að vinna að því að efla viðnámsþrótt, m.a. með því að endurbyggja svigrúm í ríkisfjármálum.

Karen Á. Vignisdóttir, aðalhagfræðingur Seðlabanka Íslands og framkvæmdastjóri sviðs hagfræði og peningastefnu, hélt erindi á reikningsskila- og fjármáladegi Félags löggiltra endurskoðenda. Í erindi sínu fjallaði Karen um stöðu og horfur í efnahagsmálum og þær áskoranir sem eru fram undan.

Þriðjudaginn 20. október verður haldin málstofa í Seðlabanka Íslands frá klukkan 15:00-16:00 þar sem Þórarinn G. Pétursson varabankastjóri peningastefnu kynnir nýja rannsókn á áhrifum launa á verðbólgu. Titill rannsóknarinnar er "It's complicated: The impact of wages on inflation".

Seðlabanki Íslands mun halda áfram reglubundnum gjaldeyriskaupum sínum á millibankamarkaði fram til 30. nóvember nk. Kaupin verða þó minnkuð úr 12 milljónum evra á viku í 6 milljónir evra á viku frá og með 16. október. Kaupin fara fram á þriðjudögum og fimmtudögum skömmu eftir opnun markaðarins, þrjár milljónir evra í hvert skipti.