21.11.2017
Málstofa um fjármagnshöftin og uppgjör þrotabúa gömlu bankanna
Málstofa um þetta efni verður haldin í Sölvhóli, fundarherbergi í Seðlabankanum, þriðjudaginn 21. nóvember kl. 15.Frummælandi verður Friðrik Már Baldursson, prófessor við Háskólann í Reykjavík
Ágrip: Farið verður yfir líkan af stefnumörkun og samskiptum íslenskra stjórnvalda við kröfuhafa um uppgjör þrotabúa gömlu bankanna og einnig við eigendur aflandskróna. Líkanið skýrir af hverju uppgjör þrotabúanna gekk mjög vel en uppboðin á aflandskrónum gengu mun síður.
Efni málstofunnar verður sótt í greinina Iceland’s capital controls and the resolution of its problematic bank legacy en höfundar hennar, auk Friðriks, eru Richard Portes, prófessor við London Business School og Eiríkur Elís Þorláksson, dósent við Háskólann í Reykjavík.