Seðlar og mynt í umferð
Í töflunni hér fyrir neðan má sjá upplýsingar um skiptingu seðla og myntar í umferð utan Seðlabanka Íslands. Samtalan er hluti af skuldahlið efnahagsreiknings Seðlabankans.
Þegar talað er um peninga í umferð er í flestum tilfellum átt við reiðufé utan Seðlabanka og innlánsstofnana. Munurinn á þeirri tölu og samtölu töflunnar er svokallaður nætursjóður innlánsstofnana. Nætursjóðurinn samanstendur af þeim seðlum og myntum sem eru á eignahlið efnahagsreiknings innlánsstofnana í lok viðskiptadags. Hluti þessa reiðufjár er í útibúum banka og sparisjóða og afgangurinn er í hraðbönkum þeirra.
Seðlastærð | Í umferð utan SÍ í lok maí 2024 | % |
---|---|---|
10.000 kr. | 42.117.075.000 | 62,6 |
5.000 kr. |
15.938.040.000 | 23,7 |
2.000 kr. |
207.999.000 |
0,3 |
1.000 kr. |
7.177.006.000 | 10,7 |
500 kr. |
1.876.300.750 | 2,8 |
Samtals |
67.316.420.750 | 100,0 |
Myntstærð | Í umferð utan SÍ í lok maí 2024 |
% |
---|---|---|
100 kr. |
2.996.500.000 | 64,3 |
50 kr. |
777.840.000 | 16,7 |
10 kr. |
628.220.000 | 13,5 |
5 kr. |
133.634.000 |
2,9 |
1 kr. |
121.860.000 |
2,6 |
Samtals |
4.658.054.000 | 100,0 |
Alls í umferð | 71.974.474.750 |
Hér að neðan er mynd sem sýnir þróun seðla og myntar í umferð utan Seðlabanka og innlánsstofnana í hlutfalli við verga landsframleiðslu. Það lækkaði upp úr 1960 með aukinni ávísananotkun og síðan kortaotkun. Í nokkuð langan tíma var þetta hlutfall um 1%. Í kjölfar áfallsins sem íslenskir viðskiptabankar urðu fyrir í októbermánuði 2008 hækkaði hlutfallið nokkuð og hefur síðan verið á bilinu 2-2,5%.