Á öðrum ársfjórðungi 2024 var 43,9 ma.kr. halli á viðskiptajöfnuði við útlönd. Það er 10,1 ma.kr. lakari niðurstaða en ársfjórðunginn á undan og 50 ma.kr. lakari en á sama fjórðungi árið 2023. Halli á vöruskiptajöfnuði var 89,5 ma.kr. en 67,2 ma.kr. afgangur á þjónustujöfnuði. Frumþáttatekjur skiluðu 8 ma.kr. halla og rekstrarframlög 13,7 ma.kr. halla.

Hagtölurnar voru uppfærðar 23. september vegna smá villu í þáttatekjum, "tekjur lífeyris og skaðabótasjóða í þágu rétthafa". Þetta hafði engin áhrif á viðskiptajöfuð. 

Næsta birting: 03. desember 2024